მონოჰიბრიდული შეჯვარება

პედაგოგი: ნინო პოპიაშვილი, ქალაქ მცხეთის №1 საჯარო სკოლა

საფეხური, კლასი: საბაზო, IX კლასი

სამიზნე ცნება: სასიცოცხლო თვისებები

შედეგები: 1, 2, 3, 5, 6, 7, 8, 9, 10

საკითხი:  მონოჰიბრიდული შეჯვარება

კომპლექსური დავალების პირობა: 

გაეცანით მონოჰიბიდული შეჯვარების მნიშვნელობას, ასევე, მენდელის პირველ და მეორე კანონს. 

იცით, რომ მენდელმა ცდების ჩატარება დაიწყო ბარდაზე. მან, პირველ ეტაპზე მიიღო ორი მთავარი კანონზომიერება (ერთგვაროვნებისა და დათიშვის კანონები).  გამოკვეთა დომინანტური და რეცესიული ფორმები. გარდა ამისა, აღმოჩნდა, რომ ბარდის მწვანე ფორმა (რეცესიული) გაცილებით გემრიელია. 

წარმოდგინეთ, რომ თქვენ ხართ მეწარმე და გინდათ თქვენი ბიზნესი მომგებიანად წარიმართოს. როგორ უნდა მოიქცეთ და რა გათვლები უნდა აწარმოოთ, რომ არ გაკოტრდეთ და მომხმარებლებიც კმაყოფილები დარჩნენ. 

აღნიშნული დავალება უნდა წარმოადგინოთ: 

მაინკრაფტში აშენებული სამყაროს სახით; 

ობიექტები წარწერებით; 

წარმოაჩინეთ შეჯვარების პრინციპები და კანონზომიერებები; დათიშვის პროცენტულ მაჩვენებლები, თუ რა რაოდენობის თესლი მიიღება სხვადასხვა ზიგოტური წყვილების შეჯვარებით;

დასახეთ გზები, რომელიც გამოგადგებათ კარგი მოსავლის აღებისათვის, და გააკეთეთ პრეზენტაცია არგუმენტირებული მსჯელობით.

პრაქტიკული რჩევები კომპლექსურ დავალებაზე მუშაობისთვის:

ჯერ შემოღობეთ რამდენიმე ნაკვეთი. მასში განათავსეთ წმინდა ხაზების ნარგავები. წინ გაუკეთეთ დაფები სადაც ლათინური ასოებით დააწერთ ჰომოზიგოტებს. შემდეგ ბაღებში, F1 – თაობას, შემდეგ მათ შემდეგს – F2.  იქვე ასაუბრეთ გენეტიკოსი ან ფერმერი, რომელიც გააკეთებს მათემატიკურ გათვლებს დათიშვების შესახებ.  დასკვნა, გამოკვეთეთ.