ზეკარი

პედაგოგი: თამარ ჭიპაშვილი, ქალაქ ბაღდათის №2 საჯარო სკოლა

საფეხური, კლასი: დაწყებითი, V კლასი

სამიზნე ცნება: მოქმედებები რიცხვებზე, გეომეტრიული ობიექტები, მონაცემები

შედეგები: 3,7,8,10

საკითხი:  წილადი

კომპლექსური დავალების პირობა: 

წარმოიდგინეთ რომ მონაწილეობას იღებთ ,,მთის კურორტების განვითარების კომპანიის“ მიერ გამოცხადებულ კონკურსში, რომელიც მიზნად ისახავს კურორტ ,,ზეკარი“-ის განვითარებას. კონკურსის პირობები და მონაცემები მოცემულია ბმულში   

• მითითებული მონაცემების მიხედვით დაითვალეთ კურორტის ინფრასტრუქტურისათვის საჭირო ნაგებობების ფართობები. 
• მიღებული შედეგების მიხედვით მოახდინეთ კურორტის განაშენიანება. 
• შექმენით კურორტის მაკეტი Minecraft-ის სამყაროში. 

Minecraft-ში მშენებლობის დაწყებისას გაითვალისწინეთ:  

• ბლოკი კვადრატის ფორმისაა და მისი წახნაგის ფართობი 1მ2-ია. 
•  მოცემული კურორტის ინფრასტრუქტურა  შედგება რამოდენიმე ნაწილისაგან.(სასტუმრო,ეზო,მოედანი,აუზი,ტყე,საპიკნიკე სივრცე) 
•  დავალების შესრულებას ვიწყებთ რიგის მიხედვით და ვთვლით ფართობებს თანმიმდევრობით, ვითვალისწინებთ ნაგებობების საერთო ფართობს (800 მ2) 
• დავალების მიზანია თქვენს მიერ გამოთვლილი ფართობები ზუსტად ემთხვეოდეს ნაგებობების ფართობს.  
• შექმნილ სამყაროს გადაუღეთ ფოტოები შეინახეთ PDF ფორმატში. 
• Minecraft-ის სამყარო და ფოტოები წარმოადგინეთ საერთო სარგებლობის ჯგუფში გაკვეთილზე. 

გამოთვლების სანახავად იხილეთ ბმული 

კურორტ ზეკარზე ინფორმაცია მოცემულია ლინკზე: https://travelingeorgia.com/ka/resorts/resort-zekari/ 

პრაქტიკული რჩევები კომპლექსურ დავალებაზე მუშაობისთვის:

• დავალების სრულფასოვნად შესასრულებლად გაიხსენეთ ჩვენს მიერ შესწავლილი საკითხები წილადთან დაკავშირებით: 
• წილადი როგორც გაყოფის შედეგი. 
•  წესიერი წილადები მათი შეკრება და გამოკლება . 
• მართკუთხედისა და კვადრატის ფართობი. 
• ფართობის საზომი ერთეული.